VEMMA DARI MALAYSIA

WELCOME TO VEMMABUILDER!

"You're not truly free unless you're financially free." - Robert Kiyosaki

Welcome to VEMMABUILDER™, REFRIZON YUNUS! You're about to take your first step toward financial freedom!
It's not exactly the Yellow Brick Road, but the tour you are about to take will be an eye-opening adventure REFRIZON YUNUS. You are about to learn about our automated, online marketing system that is so revolutionary it has a patent pending. Our System has been a successful tool for thousands of people just like you!
In fact, your Personal VemmaBuilder™ account has already been setup for you and is ready to go!
Your login ID is: 27481835
Your password is: 59665
(Please write this information down. You will need it when you return to www.vemmabuilder.com in the future.)
You will soon receive this information and more in our Welcome email for new Pre-Enrollees that we just sent to you at iwapariau@yahoo.com.
REFRIZON YUNUS, this website is your road map to success as an Internet-based business owner. Take the tour of our legendary automated business-building System during this FREE test drive to discover how to build a successful and profitable home-based business. Visit both our Front and Back Office, REFRIZON YUNUS, and familiarize yourself with the astounding information available.
We've loaded this site with profitable tips and valuable resources designed to give you the competitive edge you'll need to build a successful and lucrative home-based business.

• Learn the secrets to success that million-dollar earners follow!
• Discover how you can turbocharge your business with pre-qualified prospects!
• Learn when you can listen in on conference calls jam-packed with overviews of the VemmaBuilder opportunity, advanced training, and marketing advice from renowned industry leaders, who share key insights and top moneymaking secrets!
• Obtain up-to-the-minute reports on your growing business!

And much, much more!
Now for the good stuff, REFRIZON YUNUS! To start your test drive of VemmaBuilder™, click on "Our System" in the menu above. As people are placed in Your VemmaBuilder™ SuccessLine™, you will receive emails announcing that your SuccessLine™ is growing. (Don't be surprised if you receive quite a few of these notices when your SuccessLine™ is doing particularly well!! This is a sign that your business is prospering!!)
To learn how to make the most of this remarkable system, click on "Our System" to start your tour. We look forward to working with you, and are here to help you every step of the way!!
If you have any questions, chances are you will find the answers during your tour. We highly recommend you take the time to explore each menu selection. If you still can't find answers to your questions, get in touch with your Enroller or a top upline leader.
If you require immediate attention, REFRIZON YUNUS, feel free to contact us. Understand that the wait time for an answer can vary depending upon the volume of emails we are currently receiving.
Sincerely,
-Your VemmaBuilder™ Support Team

PERLU TAU

http://galodo2009.blogspot.com, http://manoharacenter.blogspot.com, http://jalanbhakti.blogspot.com, http://itrackriau.blogspot.com, http://instainternationalpartner.blogspot.com, http://mendulangdolarusd.blogspot.com,
http://rambuthitamrapi.blogspot.com, http://berkalung.blogspot.com, http://dunsanak31.blogspot.com

untuk dibaca

" PIRAUAH AYAH "

" PIRAUAH AYAH " 

   oleh Pak Yus Sutan Parpatih ( Klik untuk mengenal Om Yus )

Bismillahirahmanirrahim“Rabbish srahli sadri wayasirli amri wahlul u’k datam millisani yaf kahu kauli.”

O… nak kanduang sibirang tulang, buah hati limpo bakuruang,
ubek jariah palarai damam, sidingin tampa di kapalo.
Kamari-mari molah duduak, ado rundiang ayah Sampaikan.

Kalau diliek dipandangi nak, dicaliak umua nan tapakai,
badan Ayah baransua tuo, kini manjalang anam puluah.
Hari patang mantari turun, awan di barat merah sago,
malam nan tidak lamo lai.
Nyampang tibo saruan Allah,
aja sampai capek paminto umua alah tibo dijangkauan.
Tabuah digoa tigo-tigo, badan baganjua baliak pulang katampek asa mulo,
jadi suruik ka tanah nan sabingkah.
Badarun aia pamandian, ba lasia bunyi cabiak kapan,
dikocong dikabek limo, cukuik satanggi jo aia bungo.
Bararak tandu ka surau, tibo di surau dibujuakan,
mairiang shalat ampek takbir. Kini manuju ka pusaro,
iyo ka pandam pakuburan. Tagolek di liang lahat,
tanah sakapa bapakalang, mahereang mahadok ka kiblat,
dibateh papan nan sahalai. Badaro tanah panimbunan,
tatagak mejan nan duo, manyalo ciluang hitam,
do’a dibaco panghabisan. Tujuah langakah mayik di kubua,
nak datang malaikaik pai batanyo.
Tapi jangankan tanyo ka tajawab,
usaha ndak hawa katabandiang, utang ka anak nan takana,
kasiah tagaiang alun sampai.

Jo kok basuo nan bak nantun nak,
taradok pusako ka bajawek ataupun warih ka di baia,
usah diarok dari ayah. Sabab baalah baitu,
salamo dunia di tunggu, Ayah diseso parasaian,
gilo diarak-arak untuang.
Tapi kaganti ameh, bak di urang timbalam,
pitih nan babilang, hanyo pitaruah batinggakan,
banamo Pitaruah Ayah.

Itulah tando kasiah sayang, utang nan nyato pado anak,
kini ayah lansaikan.
Dangakan molah anak kanduang, simakkan bana nyato-nyato.
Satitiak usah lupokan, sabarih janganlah hilang,
ganggam arek, paciak tantaguah.
Siang ambiaklah ka patungkek,
kok malam jadikan suluah pidoman patang jo pagi.

Takalo maso dulunyo, awal mulonyo san kalahia,
bundo di dalam pasawangan sadang dilamun-lamun ombak,
angin badai, lauik manggilo, kilek patuih hujan basabuang,
kalam nan bukan alang-alang.
Lua ke Allah, bagantuang indak kamano ka manggapai.
Dek lamo lambek badayuang,
sapueh-pueh panangguangan sampailah juo di Kualo.
Tali turun sauh dibuang,
kapa marapek di tapian balabuah surang pasisianyo.
Sawajah kapado urang nantun nak, mandi darah sakujua badan,
kakinyo malajang-lajang, taganggam tangan nan duo,
bunyi pakiak sapanuah kampuang cando pandeka dapek lawan.

O . . . buyuang, kok ang nak tahu,
itulah anak manusia nan lahia ka bumi Allah nangko,
lahia sarato jo untuangnyo.
Adopun tujuan jo mukasuiknyo, mangko jo darah samo tibo,
sirah hati pakek panganan lambang barani,
lahia batin indak manaruah gamang-takuik.
Mangapa tangan suok kida mandongkak, manyipak-nyipak,
itu ma’ana urang bagak,
medan galanggang nan nyo hadang cakak nan tidak kunjuang damai.
Pakiak bukan sumbarang pakiak,
sorak kumando dilewatkan ibaraik badia jo mariam,
tando nagari dalam parang.
Mako pado hakikatnyo nak,
hiduik adolah perjuangan dan satiok perjuangan bakandak manang.
Kamanangan janjang ka istana manuju kirisi di partuan.
Sasungguahnyo manusia adolah rajo,
badaulat di muko bumi Allah bana nan manobatkan,
“Inni ja’ilu fil ardhi khalifah”.

Untuak itu Ayah pasankan nak, usah manjadi rajo kalah.
Nan bajalan manakua-nakua. Mangecek tatagun-tagun,
hilang banso punah martabat.
Manambah gantang tatanakkan, manyamak dalam nagari.
Kalau Waang nak tau juo nak, iduik nangko indaklah lamo,
dunia hanyo sakijok mato.
Caliaklah contoh jo ibaraik, maso laia di songsong abang,
mati di anta dek sumbayang.
Antaro abang jo sumbayang, sinan kamat dibacokan hinggo itulah jatah umua.
Bakato Muhammad Iqbal,
apolah kato dek baliau:“Umur bukan ukuran masa, hidup tidak takaran zaman,
sehari singa di rimba, seribu tahun bagi si domba”.
Ma’ana manjadi singo nak, bukan manggadang bakato darek bakitabullah di tangan,
kandak badannyo awak surang.
Indak nak, bukan baitu filsafahnyo, tapi bialah satahun jaguang,
pagunokan maso nan pendek, bapacu marabuik buko mambuek amal kabaikan.
Baguno ka diri surang, tapakai di masyarakat,
manfaat salingkuang alam.
Untuak apo panjang bajelo, hinggo batungkek saluang api,
kalau awak kiliran tangan masak lacuik, makan parentah.
Kok kunun pulo, kuma bamiang manggata di dalam kampuang,
cilako hiduik tu namonyo.
Salampiah nan dari pado itu, umua bukan sabateh kubua,
hiduik bukan salacuik abiah. Tapi adoh hiduik sasudah hiduik.
Panjang nan tidak kaujuangan nak.

Itulah hiduik di akhirat, kamari tujuan sabananyo.
Takalo insan di alam roh, janji-lah sudah tapabuek,
patimbang muluik dengan Allah, makhluk kata An-Khalik nyo.
Kito mamaciak tali kamba nak, usah kandua tagang salampiah,
dunia akhirat satimbangan.
Nyampang kok putuih kaduonyo sinan tahanyuik handam karam.
Kini di rintang angan-angan, isuak diseso panyasalan.
Di dunia rintang jo ratok, di akhirat gilo jo gagau,
kalamlah jalan ka sarugo.
Mangana sakah nan bak kian nak, Ayah bapasan,
bawasiat, rantangkan banang ka langik, hubuangkan diri jo Tuhan.
Jalin kulindan ateh bumi, paharek buhua jo manusia.
“Hablum minallah wa hamblum minannas”.
Itulah cancangan duo sagarajai, kapa nan duo salabuahan, samo dek awak kaduonyo.
Mano nak kanduang jo nyo Ayah, ijanklah bosan mandangakan,
mangecek indak ka lamo, taga dek seso manyimpannyo.
Jikok anak taruih mamandang, simak jo daliah mato batin.

Adopun tubuah manusia tarbangun dari tigo rungo.
Partamo, runggo diateh, kaduo runggo di tangah, katigo runggo di bawah.
Nan dimukasuik jo runggo ateh, iolah ruang di kapalo, bakandak isi pangatahuan,
ibaraik dinamo masin kapa, ulu tanago baliang-baliang, pambalah aia di lauik-tan.
Tasabuik runggo di tangah, yaitu dado rumpun hati,
sangka iman lubuak agamo, ikolah pidoman juru mudi, kaganti kompas di nan kodoh.
Jan sampai sasek palayaran, hilang tujuan tanah tapi.
Salorong runggo do bawah nak, paruik nan mintak dikanyangkan,
umpamo parka tampek barang.
Tansano muatan kosong alamaik oleang jalan kapa, dihampeh ombak jo galombang,
manantang karam tak batumpang.
Atau kalaulah buliah Ayah misalkan kapado alam Minang Kabau tardiri dari tigo luhak.
Partamo, luhak nan tuo. Lambang kuciang warnanyo kuniang.
Kuciang itu binatang lihai, tinggi pangaruah, berwibawa.
Kuniang tando kamanangan. Tujuannyo, urang cadiak adi kuasa,
sumber ilmu pangatahuan, “Sains Tekhnologi” kato rang kini.
Kaduo, luhak nan tangah.
Simbol sirah harimau campo, barani karano bana,
hukumpun tidak makan bandiang banamo parentah syarak.
Calak alah tajam pun ado, tingga dek bawa manyampaikan.
Adaik alah syarak pun ado, tingga dek awak mamakaikan,
moral, spiritual, istilah baru.
Nan katigo, luhak nan bungsu. Corak hitam lambangnyo kambiang,
rila jo saba bausaho, rumpuik nan indak pantang daun,
dek padi mangko manjadi, dek ameh mangkonyo kamek.
Mangecek iyo jo pitih, bajalan tantu jo kain,
karajo tantu jo nasi, ekonomi baso canggihnyo.
Itulah tadi sahalai pilin tigo, tungku tigo sajarangan.
Kok waang nak samparono nak, manjadi urang baharago.
Sajundun jasmani jo rohani, dunia dapek akhirat buliah.
Mako sarek-kan kapalo jo pangatahuan,
panuahkan dado jo ugamo, gasaklah paruik jo harato.
Di ateh tungku nan tigo, sinan tajarang kahidupan,
masak hakikat manusia insan nan kamil sabatangnyo.
Tapi usah senjang, barek subalah nak,
rumik naraco manimbangnyo.
Kok cadiak sajo dibanggakan, hiduik bansaik tangan di bawah,
tagigik lidah bapituah.
Ameh hurai nan Ang sambuakan Yuang, loyanglah juo kecek urang.
Tapek bak bunyi buah pantun, kok rintiak bana kalodeta,
lakek talilik di kapalo, kok cadiak bana kalau suka, kecek timpik di nan kayo.
Baitupun awak binguang, maraso cadiak,
kecek indak bakarunciangan.
Disangko pitih pasak lidah, sombong takabua muaronyo.
Gekang-bagekang siliah rarek, indak tau tampuak lah layua,
lonjak-balonjak labu anyuik, isi gaja, ampo di dalam mahajan,
tuah tarnamokan. Di baliak nan dari pado itu nak,
kok di ateh isilah panuah, cadiak alah pandai pun inyo,
nan di bawah muatan sarek, pitian sambua,
bando malimpah. Tapi pasak ditangahnyo lungga,
iman goyang, agamo tipih, hilang pidoman kapa basi.
Andaknyo, kok kayo suko dmakan, ringan tangan manolong urang,
rajin bazakaik, basidakah.
Kok tumbuah awak urang cadiak,
kusuik sato-lah manyalasaikan, karuah baringan mampajaniah.
Maha cacek murah nasihat.
Sinan nagari mako aman.
Mako dari itu nak, satiok kakok ka diawai, rundiang sapatah ka disabuik.
Bulek lah bana kato hati, sasuai dalam kiro-kiro,
naiak-kan dulu ka daraik,
caliak timbangan hukum syarak lai kok dalam ridha Allah.
Itulah naraco nan tak paliang nak sarato bungkah nan piawai,
indak mangicuah salamonyo.
Anak kanduang balahan nyao,
jarek samato Ayah-Bundo putuih tak jo-aa ka diuleh,
sapihak ka b adan diri Ayah, urang nan bukan cadiak pandai,
ilmu kurang sikola tangguang, mangaji tak sampai katam,
rumik lah Ayah babarito.
Ndak mungkin si bisu ka banyanyi, mustahil si lumpuah ka manari,
baa rang buto ka mambimbiang.
Hanyo dek sungguah rajin manyimak dari alam dapek baguru di sinan tibo pangajian.
Mari kito cari rasionyo. Dibalun sabalun kuku, dikambang saleba alam,
alam takambang jadi guru, bumi jo langik ado di dalam.
Kini nak Ayah curai Ayah papakan, tuah cilako nan talukih,
dicaliak jo mato batin, diambiak ka ujuik paham sinan tasaiah ma’ananyo.
Ado ampek suruhan, ampek tagah nak.
Nan partamo iduiklah bak rumpun aua, usah dicontoh bak tibarau.
Nan kaduo, tiru baringin tangah padang,
jauahkan sifaik bak kiambang.
Nan katigo, simaklah anau dalam rimbo, pantangkan jadi bio-bio.
Dan nan kaampek, jadilah sarupo paku, ijan saroman jo binalu.
Baa kakanyo rumpun aua, tapuntalang buluah bambu,
nyampang tumbuah hitam tapi lereang tanah suko, tabiang mamuji.
Kok indak lah urek nan mangungkuang taban bandaro sadionyo.
Bukik pun indak taseso, lurah di bawah talinduangan,
gagang manjelo dapek junjuang, maso rabuang carian urang,
kok gadang banyak manfaat, lah tuo paguno juo.
Baitu sifat ka dipakai nak.
Dimanapun bumi dipijak, bila di kampung atau di rantau mambao rahmat ka rang banyak.
Pandai-pandai jo masyarakat, tau-tau manenggang raso usah pamaha takuik rugi.
Kok mangecek ma’agak-agak, pikiakan tiok ka bakato,
tapi usah katokan nan tapikia.
Sabab luko di pisau tampak darah,
nak duo tigo taweh panawa, sanang nan tidak tampak bakeh,
tapi luko di lidah sulik ubeknyo mandanyuik ka ubun-ubun,
manggaga ka rantai hati.
Di lua mungkin tak bakasan, di dalam manaruah kasam.
Nan bak kain dimakan nyangek, lipek patahnyo tak barubah,
dikambang nyanyai tiok ragi.
Bak kato-kato rang tuo ko’ee “kaki tataruang inai badahannyo,
muluik tun taloncek ameh tantangannyo”.
Salain nan dari pado itu, satinggi-satinggi batang batuang,
pucuaknyo runduak ka bawah, manyilau bumi tampek tumbuah,
guno nan tidak talupokan,
sambia babisiak bakeh rabuang,
kok sampai kalian gadang isuak usah lupokan jaso tanah,
tau mambaleh budi baiak.
Lamahnyo pulo kadikatokan, maliuak di puta angin,
manggerai dipupuik ribuik.
Bak cando-cando ka tumbang, jangan ka patah ratak tido.
Tapi tibo tapaso inyo kareh bisa malantiang ka udaro indak siapo ka manahan.
Satiok rueh basambilu, tiok buku bamatang pulo langkok jo duri jo miangnyo,
namun tabungkuih dalam kalupak, dari lua tak nampak rupo.
Aratinyo, samantang awak diateh,
usah pan-den palabiak dado kujua takabua tu namonyo.
Balarang bana jo ugamo nak, tacacek sapanjang adaik.
Urang iduik banyak batuah, urang mati banyak kiramaik.
Lauik sati rantau babego taluaknyo baranjau pulo.
Ikhlas-ikhlas kalau manolong, suko-suko kalau baragiah mahamun sakali jangan.
Sabaliaknyo, usah palupokan jaso urang,
walau sahaluih bijo bayam, gadang faedah manfaatnyo,
pamaaf saba jo rilah habiskan dandam kasumat.
Bia urang baniat buruak awak babudi baiak juo.
Pakaikan bana tu nak kanduang, usah dicayah dilengahkan,
itu tantang buluah jo bambu.
Ba’alah pulo jo tibarau.

Cubo Ang danga Ang simakkan nak dapek paham hakimahnyo.
Iduik tibarau barumpun-rumpun, batangnyo barueh-rueh, badaun panjang bakalupak.
Kalau dipandang dari jauah, saroman bana bantuak tabu.
Tapi di mamah ramba raia raso amba indak batantu, pangicuah gadang kironyo.
Tarau ketek sabantuak jaguang, disilau indak babuah, bungo sahalai tak manaruah.
Kalau-inyo tumbuah di lereang atau di tanah katinggian sinan tabukak rasionyo.
Barambuih angin ka mudiak, tibarau madok ka mudiak,
kok bakisa arah ka ilia inyo baputa kian pulo.
Nyampang ditumpu dari ateh, lah sato maangguak-angguak urang diam inyo marumuak.
Kian iyo, kamari iyo, lawan jo kawan samo iyo.
Pendeknyo sagalo iyo, indak ado nan tidak iyo.
Tibo Golkar lah masuak Golkar, urang P-3 inyo P-3,
kampanye PDI paliang di muko, indak bapendirian.
Aa kasudahannyo jadi anti mambungkuak, masuak karanjang tak baetong,
kok pai indak manukuak, pulang indak maluahi, arago bara diri awak.
Di dalam bahaso nasional tapeklah kok dikatokan bahwa inilah lambang kepalsuan,
penuh kepura-puraan tanpa motivasi dan munafik sulit dipercaya.
Awak ko musti jujur Nak, kok indak katokan indak kok lai tunjuakkan lai,
usah takah-takah spuluik alun ditanak lah badarai, manipu diri sendiri.
Lagak bak cando urang kayo, mangecek pantang di bawah,
baa jeneang baa lah mantiak perak basapuah dijarinyo, sarawa bagantiak juo.
Padohal baju basalang balagakkan yuang, tiok kalapau tiok utang cah bon,
cah pinjaman, sakali indak babayaran, ditunggu urang diariaknyo.
Anak cacak tabang ka benteang, tibo di benteang makan padi,
awak rancak putiah, celeang diresek saku tak barisi.

Jauahkan bana nan bak nantun nak. Hongeh kecek urang kampuang,
bagunjiang urang suok kida.Ado pulo nan sok urang cadiak,
manggaleh inyo nan santiang, impor ekspor buah tutua-nyo,
bursa efek nan tau bana. Baisuak kawan disantuangnyo (heh…).
Jo ugamo inyo nan paham, nak musarab Mantiak Maani tafsir khazen Imam Ghazali,
kasurau tiok hari rayo. Jo politik tau daulu sajak nan dari orde baru,
soal KBJ pembangunan sampai ke Irak ke Bosnia, ulu nuklir tanago atom Amerika,
Asean juo (heh …). Awak bagak jo aruh balai,
sihia jo gayuang ilmu batin, kungfu, karate, silek tuo sadonyo putuih dek baliau,
di garegak lai basunguik nyo. Kok ota soal baguru pulo,
anjiangnyo paliang batuah, lupak gerai nan hitam kulik,
dado lapang jangkia tagantuang, pilang-pilang bapaneh pulo,
sambilan bukik kajarannyo, kakandiak kakijang lamo,
lah tigo liang kanai saiang, kabangkai sakali balun.

Baitupun nak, ado mangaku santiang jo adat,
pantun papatah mahia bana luhak tigo larek nan duo,
kato ampek undang duo baleh, pacahan undang duo puluah.
Dima-alek inyo lah nampak, kamek manitah pasambahan,
ayam kinantan di galanggang.
Tapi parangan bacilapuik, tibo kusuik maenjo-enjo,
datang karuah maundak-undang, barundiang nak manang surang,
mufakat pantang mangalah, bakato indak baistilah.
Nan sahandak sabuliahnyo nak, kok iyo awak urang cadiak, cadiaknyo bisa tapakai.
Kok awak urang indak tahu usah bapurak-purak tahu.
Ikolah nan di katokan dek konghuchu
“Orang yang paling bodoh ialah orang yang tidak tahu bahwa dia tidak tahu”.
Urang nan tahu baraso inyo indak tahu iko bisa dibari tahu,
tapi nan susah nak, indak sadar kalau inyo pandia,
aa iko panyakik abih ubek tunggu mananti aja-lu lah,
sifaik cadiak tak dapek dituruikkan, bodoh tak bisa diajari.
Itulah sifaik cilako, buangkan bana jauah-jauah nak, usah ditiru dituladan.
Aa kini caliaklah pulo kayu gadang, baringin di tangah padang.
Baurek cukam ka tanah, jauah taunjam ka pitalo, panuahlah bumi di rumpunnyo.
Dek gampo indak tabukek-kan, dek badai alun ka ta-oleang, ko-no lah goyang manilalu.
Taguah jo pandirian, istiqamah dengan tauhid, beprinsip tegar dan kokoh.
Kalau yakin tumbuah dipaham, sajangka duduak tak bakisa,
satampok tagak tak bapayuang, walau baalah bujuak rayu,
haram kuniang karano kunyik pantang lamak ulah dek santan.
Rugi jo pitih ndak ditumang nak, jariah payah pasa biaso,
tapi jaan diago martabat urang. Lompek-salompek ambua tibo indak baserap kato duo,
tak iduik mati pun jadi.
Kayu baringin bapucuak cewang ka langik,
tinggi malepai awan biru, pidoman musafir lalu.
Daun rimbun buliah bataduah, bakeh balinduang kaujanan,
paneh kaganti payuang panji, ureknyo tampek baselo,
batang nan gadang kasandaran, dahan nan rampak ka bagantuang.
Aratinyo panutan di masyarakat, cadiak ka bakeh rang batanyo,
kayo-ka tampek rang batenggang, bagak tumpuan ka mangadu.
Satitiak katonyo di lauiktan, garak dibari jadi contoh,
sifat ka suri jo tuladan, sumarak urang di nagari.
Perduli dengan lingkungan, baitu ungkapan maso kini.
Sungguahpun beringin tinggi manjulang,
tapi tingginyo manungawi bukan maimpok nan dibawah.
Walau gadangnyo tabirumbun, gadang manenggang ka nan ketek,
urang nan indak takuik talendo.
Itulah sifaik pamimpin nak, samantang bapisau tajam indak sumbarang dirawikkan doh,
jikok manembak baalamat jaleh sasaran makan pelor.
Tapi kalau daram atteh lah nyo kabawah,
karusuak siku bamain kamuko manggadang sipak, atau lah runciang juo nan barawik,
lah nyato lurah tak babatu, marasau sajo dari ateh,
bukanlah sifaik dek baringin nak.
Ingeklah apo bilo kayu lah rabah, baa bana lah kagadangnyo,
batang lapuak daun karegek usah diarok ka bapucuak,
antah tindawan ka bungonyo.
Tuah nan lamo ilang lalek jo loncek-loncek ka batonggok urang mancibia bakuliliang
tangguang lah doso salamoko.

Pahamkan bana tu Nak kanduang,
ubek makan pantangan dikana jauah bala jo panyakik.
Nan kaji baringin tangah padang, baa pulo nasib kiambang.
Jikok kiambang ka dibaco itulah samalang-malang untuang nak.
Iduik nyo manyisiah-nyiah kok ingok manapi-napi, katangah takuik dek galombang.
Lai baurek indak cukam, tajuntai kapalang turun.
Walaupun tumbuah di aia tapi tarandam-randam nyo tak basah,
tarapuang-rapuang nyo tak anyuik.
Biduak lalu awak basibak, dek angin badan batundo, kok kunun riak mahampehkan.
Kiambang adolah simbol manusia rapuah, lamah darah bamental loyo.
Sadangkan iduik ko parsaingan nak, parang ganas medannyo kejam,
tekad mambantu nan partamo, mansiu nan kaduo.
Ragu-ragu dalam basikap bimbang satiok kaputusan,
alamaik awak mati, satokok lah kalah sabalun parang.
Urang panggamang mati jatuah nak, urang pandingin mati anyuik,
takuik jo bayang-bayang surang.

Dek sabab karano itu, yakin-yakin jo pandirian.
Jaan bak payuang tagajai pasak co alang-alang lamah bingkai,
sasiuik angin mandatang sasambua rinai manimpo awak lah kucuik mati aka.
Tapi naiakkan panji-panji Ang yuang,
bangkikkan Nur Muhammad kipehlah baro tungku batin.
Sakali masuak ka galanggang, pantangkan babaliak pulang.
Patah sayok batungkek paruah, lagu nan usah tabangkalai,
cilako ayam disabuangan.
Jikok sapancuang alun putuih kalau salangkah indak sampai,
kini gagal bisuak ulangi.
Dibaliak-baliak ba-mamanggang baru nyo masak lua dalam,
diulang-ulang bak manyapuah sinan tatampak mangileknyo,
sabab “kegagalan adalah sukses yang tertunda” baitu kecek cadiak pandai.
Simaklah pulo anau jo rimbo nak,
tumbuah tak rago urang tanam barabuik sigaek nak mamanjek indak suatu nan tabuang.
Batangnyo manganduang sagu, makanan urang sa nagari jo kudo-kudo malamakkan,
ruyuang diambiak ka pincuran, kok dikabuang dibalah-balah,
elok ka kasau jo kalantai, ka paga nan rancak bana.
Daun nan tuo jadi atok nan pucuak ka daun rokok lidih disusun jadi sapu.
Ijuaknyo elok ka tali, saga pun banyak kagunoan.
Buah lamak nirunyo manih.
Dimasak jadilah gulo, diparam tuak namonyo, kok rasan itulah cuko.
Sampai-pun ka miang palapahnyo, tapakai ka rauak api,
sabalun datang Kewe jo Ronsul jatuih dakek urang namokan.
Sungguahpun awak urang batuah banso anau indak takabua sifaik sombong jauah sakali.
Tagaknyo manjauah-jauah, indak mamiliah tampek tumbuah, di bukik,
di lurah dalam, di nan lereang atau nan data.
Bia di gurun tanah lakuang inyo basanang hati juo.
Daun nyo ndak rampak bana, kok gugua salero tuo,
jatuah barungguak ka rumpunnyo, indak tagaduah kiri-kanan.
Santano manusia mancontoh anau nak, batang sampia namo asiangnyo.
Pastilah, nagari aman kampuang santoso gemah ripah loh jenawi,
barek lurah tanam manjadi.
Itulah masyarakat nan adil makmur, di bawah ampun ridha Allah.
Mako tacapailah nagari nan “baghdatun tayyibatun warabun ghafur”.
Sabab baalah yo baitu nak, satiok urang bapancarian mampunyoi padok surang-surang.
Tak ado istilah pangangguran.
Tatimbun jurang kamiskinan, hilanglah bingik ke nan kayo,
kecemburuan sosial kato rang kini.
Sadonyo berpotensi, sadonyo aktif produktif,
nan buto panghuni lasuang, nan pakak palapeh badia,
nan lumpuah panggaro ayam, nan binguang suruah-suruahan.
Inilah sumber daya manusia modal utama pembangunan baitu pemimpin mangatokan.
Niro ndak buliah sombong ka lidih,
kok indaklah karajo sapu batumpuak sarok di laman.
Walau hanyo miang palapah usah dileceh diremehkan.
Sabab dek rabuak kaiduik api sanggup mambaka rimbo rayo.
Mako kalaulah sampai tak paguno nak, ilia santai mudiak bamain,
lah gadang bagelong juo, iduik bagantuang ka ranggaek.
Malulah awak bakeh anau, urang lah pulo dari sampiak.

Inok manuangkan tu nak kanduang, bao pikia dalam-dalam.
Kaba baraliah, inyo lai sungguah baraliah sinan juo dikaji, tantang bio-bio.
Nan dikatokan bio-bio nak, bagagang mamanjek samak,
biaso tumbuah di baluka roman saujuik kacang paga.
Buahnyo baduyun-duyun, kulik bakilek kuniang hamek haluik babulu anak kuciang,
itulah miang sabananyo.
Mako salain banamo bio-bio kacang miang namonyo juo jarang lah urang nan tak tau.
Dek inyo bagagang panjang, bio-bio manjala tanah,
supayo tagak bak urang pulo tapaso malilik batang bagantuang ka rantiang kayu.
Banyak kacang pakaro kacang, kacang miang paliang manggata.
Gata dek miang bio-bio taseso sabatang tubuah, jantuang lah mintak gawiak pulo.
Ba’a bana sakik padiahnyo nak sulih lah Ayah mangatokan,
antah kok urang nan marasai.
Sumpah, kutuak, caci-makian, upek caraco, caruik kungkang, dibanci salamo hiduik.
Jangankan ka mandakek, mandanga namo sajo lah jajok.
Kok kunun maliek ka pamenan.
Jo api mamunahkannyo nak tunggua dikikih dilantiangkan,
baitu doso kacang miang.
Nyampang kok kito manusia mamakai sifaik bio-bio,
sakampuang kanai miangnyo manggata turun-tamurun.
Jauahkan laku nan baitu nak, buliah salamaik hiduik awak.
Cubo wa’ang bayangkan, ulah dek asuang jo pitanah, gunjiang kian kincah kamari,
bisa mararak kasiah sayang urang balaki di sibaknyo.
Tibo didagang panggaleh lahabiah di timpo kabakaran,
tansano api nan mamakan tingga juo puntuang baronyo.
Taga dek bingik dangki urang toke manjadi anak buah.
Santano kantua ditimponyo direktur masuak pinjaro,
manajer dipecat tagak, sekretaris tabaok rendong.

Untuak itu Ayah ingekkan, hati-hati dalam bagaua,
banyak batamu bio-bio nak ulek bulu namonyo juo.
Karena bak cando jujur muluik manih baso katuju,
awak talen parlente pulo panampilan pun mayakinkan.
Ado kalonyo potongan dukun paham rasio dalam batin pandai manakok hati urang.
Kadang-kadang bantuak ulama, hadihnyo balapiah-lapiah,
ayatnyo bak ilia-ilia, iko dalia iko ma’ana.
Ado juo rupo sarjana tau jo pasal undang-undang hukum pidana jo perdata.
Geleknyo baragam, kicuah jo kecoh nan nyato inyo manyerak miang cundang kabaji nan nyo agiah.
Pura-pua ibo, kasihan katonyo ingin nak manolong
barisuak urang batagak gaua gawik gapai sapanjang jalan
baliau mangakeh di subaliak.
Ma adoh iyo urang macam itu nak, adoh sifaik nan ka dipakai, yaitu manjauah.
Ibaraik marambah bio-bio ,
kok hanyo dioyak dari bawah atau diruntun diratehi alamaik miangnyo
batebaran badan ang juo nan kagata.
Kalau ka tangguang-tangguang,
masuak sakadar badebat manumpalak eloklah manyisiah sajo.
Sabab dek aluih makan jarumnyo, rumik mancari jajak masuak.
Indak batali ka diri atau tampuaknyo ka dijinjiang
salain dandam parang batin batinju kasudahannyo.

Basuo bak pantun-pantun urang, jam gadang di Bukittinggi talatak di Pasa Ateh,
tukang palindih daulunyo.
Haluih karajo urang kini mangarang bungo jo karateh dek kumbang basosok juo.
Nak duo pantun sairiang, babuah rambai di puguak,
bungo disasok barau-barau, ulah parangai kayu bungkuak, caia malaleh kuduak kabau.
Pahamkan bana tu nak kanduang, jago diri ang kanai miang,
apolai manjadi miang, samo tak elok kaduonyo.
Adopun paku ataupun pakis tarmasuak bangso suku rumpuik.
Sajak dulu di ranah minang paku takato jadi sayua sampai kini musaua juo.
Malah ndak sajo di kampuang awak, lapeh ka Jawa, ka Malaysiam ka Ambon,
ka Kalimantan, sampai Brunei Darussalam, populer katupek gulai paku,
lontong Padang namonyo sinan.
Nan paliang lamak dicampua jariang, serak-serakan udang bariang,
asamnyo, asam balimbiang, bungo sambuang konconyo bana.
Kok nak tau jo lamak paku nak cubo diulang maangek-i,
lah masiak mangkonyo sero.
Tapi ado saketek nan maibo, manuruik pituah angku doktor,
paku ndak manganduang gizi, sanasib pulo jo cubadak,
manganyang indak bavitamin (he …).
Bialah ka ba’a pulo (heh …).
Nan nyato itulah budaya awak, gulai pusako Minang Kabau.
Samanjak alun barabalun, maso lauik sacampak jalo, marapi sagadang talua itiak,
paku cubadak alah ado juo.
Hidup paku jo cubadak, maju terus pantang mundur (he…).

A . . . kito tinggakan satu taminak,
ditala’ah sifaik-sifaik-nyo tu ambiak ka jadi guru.
Dari pangalaman ilmu paku ado bana nan kadi tiru.
Yaitu, perjuangan manantang hiduik, “Strange for life”, kato si bule.
Yakin, gigiah, pecaya diri tapi jujur. Itu nan patuik kito contoh.
Cubo ang liek, ang pandangi. I
ndak sajo di tanah lambuak, di tanah lapa inyo iduik, di salek batu jadi juo.
Malah indak pun di ateh bumi di dahan kayu tumbuah paku,
di batang karambia bisa subur sampai ka pucuak-pucuak,
atok paku ko tatap iduik mewah.
Sungguah manjadi pengembara, hinggoknyo indak manyeso,
makannyo mancari surang, pantang manggaduah urang lain, bak cando limau di binalu.
Mandiri, itu nan patut ka ditiru, suri tauladan ka dipakai.
Satantang gigiah jo gagah caliaklah parjuangannyo,
walau dihalang, dirintangi, baluka mahambek paneh,
angin pun tak dapek lalu ulah dek angkuah kayu gadang.
Inyo mampu batahan iduik di bawah bayang kesombongan.
Baru kapatang kanai sabik, pagi cako di lanyau kabau,
atau diimpok kayu mati, sahinggo punah tingga tunggua,
bisuak pagi tuneh tacogok sa-pakan lah rimbun pulo.
Panek batauik tak mamba’a, diparun alun ka’abih, antah kok urek nan tacabuik.
Tapi, salagi rumpun tak binaso nan paku, bapantang mati.
Sadangkan maklhuk tumbuhan tu nak, indak baraka,
indak baraso, indak pulo punyo napasu lai gigiah mancari hiduik.
Manga kalian kok manganggur, haa.

Banyaklah contoh Ayah liek, taganda di parantauan,
ta tumbuak usaho galeh pondoh poroh pulang ka kampuang.
Pangacuik, kok ka gadang raso tak mungkin, pokok tandeh kadai lah lapeh.
Carilah mato lokak lain ba’ako lari dari porong.
Kandas galeh, lompek ka tukang, ndak lanteh cubo mangantau salek juo ka maojek.
Saindak-indaknyo jadi cingkariak, manguli manjawek upah.
Pendeknyo usaho, tidak satu jalan ke Roma kato rang sinan.
Nan ka usah, kalau ba CV. Duo Jari, ma’agen manjua ganja, manempe jo tante girang,
adaik malarang, undang managah, isuak basinggang di narako.
Kok lai baliak ka kampuang, basawah mambuka landang,
baparak, taranak ayam, syukur bana turun ka tani.
Ha… iko indak sawah tingga, ladang marimbo, hutan kosong,
lahan talantar, inyo nak sungguah di palantah.
Tangah hari di lapau juo, domino balapia-lapia,
gurau jo kincah nan utamo.
Sahinggo di luluak tajak balariah, pinggan tak cukuik.
Pamaleh, kanker jo tumor dalam hiduik nan panyagan,
pambarek tandan, pamalu lambek bakisah.
Pantang cilako kami dulu, bagayuik ka urang tuo, babaliak makan ka pusako.
Apo lai marengek-rengek, pacar den lah gadang juo,
kawin ka ba’a ko den lah Ayah, itu haram bagi anak Minang.
Baitupun taradok palajar, mahasiswa nan pacah mental,
pangaluah panjang, patuik baraja dari paku.
Mantang-mantang anak kuliah, gengsi bana turun ka pasa,
namuah manjadi kutu rumah. Panganggur intelek bahaso trend-nyo,
rumus nan dipakai-nyo.
Tujuan sikola jadi pegawai, cari karajo ilia mudiak,
masuak kantua kalua kantua, lamar kian kamari, mohon kamari.
Sahinggo lah tipih tapak sipatu, tabuak sarawa, tantang ikua, batarimo ka indak juo.
Tidak ada lowongan atau tunggu saja panggilan, baitu jawab pesonalia.
Mako dek bosan gilo mananti umua samakin gaek juo.
Kasudahannyo, baputuih aso, tibo depres, frustasi, mamanuang, panggalak surang.
Dicarak lai kaleang baigon, babuih muncuang dalam kamar.
Cengeng, mako dari itu nak,
karano waang lah SMA nan Insya Allah tanago Ayah kuek juo,
talakik manyambuang ka fakultas,
kini-kini Ayah pasankan nyampang kok jadi mahasiswa,
sampai-tak sampai di wisuda, jaan pasang jarek samato jadi pagawai di kantua-kantua.
Karano pitiah tiok mangarik,
sogok-manyogok lah biaso atau dek sabab karano lain indak manabuak cito-cito.
Mako, bukak-lah usao surang, bewiraswasta,
bahaso kalian. Jaan tagoda baman jo pagawai, kok indak di kantua indak ka makan,
badasi juo ndaknyo, musti sanggup mandiri, bedikari.
Ingek kato Bung Karno “Kesempatan itu bukan ditunggu tapi diciptakan”.
Kalau hanya hiduik manunggu, samo awak jo lawah-lawah,
sifaik pasif tu mah namonyo.
Sadangkan awak harus agresif, progresif dan dinamis.
Baitu karakter urang Minang, watak pusako dari dulu, kini kalian mawarisi.
Adopun nan ka di pantang ka dihindari,
laku parangai dek binalu, sifaik cilako dibaoknyo.
Takalo bamulo, inggok manempe di kulik dahan, duduak di ujuang-ujuang rantiang.
Eloklah baso batang limau, urang bataduah di baok naiak,
dijamu dibari makan, tamalam diagiah lapiak.
Dek lamo lambek manompang mulai bapucuak salai daun,
kian hari batambah rimbun, urek manjala-jala juo kini malilik mangulampai.
Akia kato sudahan kalam, nyo barantiang badahan rampak,
badaun babungo kambang, batang gampa urek mancakam,
kalahlah nan asa dek nan tibo.
Kini limau tingga jo namo, ujudnyo nyato la binalu, sumpah bagumam batangguangkan.
Jauahkan sifaik nan baitu nak, gadanglah doso mudaratnyo.
Tahu-tahu iduik manompang, awak buliah urang tak rugi, usah kalamak dek awak surang,
cadiak buruak tu mah namonyo.
Licik, kato urang subarang, diagiah hati,
bakandak jantuang, nan bak Balando mintak tanah.
Buruak laku, jaek parangai, aka ciluah busuak pangana, niaik tak lain maniayo.
Banasehat para pujangga,
“Jangan ciptakan kebahagiaan di atas penderitaan orang lain”
atau bahaso populer Minang Kabau “Lamak dek awak katuju dek urang”.
Kok raso dibaok naiak, pareso dibaok turun itulah timbangan rang babudi.
Santano budi nan lah pupuah, nak alam sampik langkah tatumbuak.
Sulik batenggang bakalaka, badan disisiah urang banyak.
Dangalah pantung urang dulu
"Dek ribuik rabahlan padi,dicupak datuak Tumangguang,
kalau iduik indak babudi,duduak tagak kumari cangguang".
Babelok babilin-bilin, di cako padi ka tabiak,
dek elok urang tak ingin, dek baso urang manggarik.
Kok tumbuah ba induak samang, tenggang amanah tabinaso,

pitaruah dipaliaro, martabat dijunjuang tinggi, caliakkan raso budi baiak.
Ijan samantang urang lah picayo, awak kuli disangko toke,
ba’a kalatiak ujuang jari, angek lah tagah dari cangkia.
Nyampang anak iduik di rantau agak-agak di kampuang urang,
bumi dipijak usah lambang, lauik ditampuah jan bariak, manyanguak indak mangaruahi.
Turuik-kan adaik caro sinan, isi cupaknyo nan tatagak, tiru ragian nan takambang.
Kok bakato di bawah-bawah, usah pangieh jo panggisia, kecek maikua itiak jantan.
Lah nyato si pontong tak bajari, cincin ameh baparagokan.
Urang lah mati indak makan, rimah disapu ka ilaman,
pantangkan bana tu nak kanduang.
Mambunyikan tipi jo radio, usah sahabiah-habiah puta, tenggang subalah-manyubalah.
Mungkin anaknyo baru lalok, tagaduah urang sadang damam, pikiran samak-samak ibo.
Samantang awak naiak honda, kanalah urang jalan kaki,
kanai potong indak mamba’a, nak nan bedo kabuik di balakang,
bunyi knalpotnyo nan manyeso.

Kasimpulannyo,
walau binalu nan tatuduah ambiak ibaraik jo itibar usah manari di ateh bangkai,
Ayah tak suko tantang itu.
O… nak kanduang badan dek Ayah, lah panjang Ayah batutua,
bajelo kisah tafsiran, mangaji rasio alam.
Tapi ba’awal kato bamulai, Ayah bukanlah cadiak pandai,
buto do dalam pangatahuan, rabun di tantang pangalaman.
Mako, ibaraik si buto dapek gajah.
Nan taresek baru ikuanyo, alunlah tubuah sabatangnyo.
Kok lai namuah mambaco, nak manyimak mamparatikan,
di alam kuliliang kito nagko batabua suri tauladan, banyaklah contoh jo ibaraik.
Jo kaharibaan bisa disauak, paham di batin manampuangkan,
sinan basuo lubuak ilmu aia janiah, sayak nan landai tampek baranang aka budi.
Dek sabab karano itu, rajin-rajin anak baguru, maliek bayang nan tasirek.
Cubolah jawab tako-taki, kiat isyarat dari alam dan itu anjuran dalam syarak tu nak.
Tuhan bana nan manyuruahkan, batanyo Allah jo firman-Nyo:
“Apakah kamu tidak memperhatikan betapa bumi dihamparkan dan langit di sungkupkan,
apakah kamu tidak memperhatikan pegantian siang dengan malam,
apakah kamu tidak memperhatikan keberadaan binatang unta dan lain sebagainya?”.
Malah tanyo baruntun dari Tuhan kapado kito manusia :
Afala tubbsirun, afala ta’kilun, afala ta’lamun, afala tattafakkarun Ya Ulil Albab?
Satiok tanyo bakandak jawab, nak pudulah pulo tanyo Allah.

Hampia sajam Ayah basurah, kini dihimpun ciek-ciek, diambiak pati santannyo.
Dari sapanjang tutua tadi tigo sajo isi pidoman, yaitu hubungan diri samo diri,
hubungan diri jo manusia, hubungan diri dengan Allah.
Mari disabuik satu-satu.
Adopun hubungan diri jo diri indaklah lain mukasuiknyo
mambantuak watak jo karakter dalam mancari kepribadian,
adolah limo rasionyo, nak.
Nan partamo, tujuan hiduik, motivasi jo nawaitu.
Dari mano datangnyo awak, sadang di mano kito kini, kamano arah ka dituju.
Batanyo ka diri, untuak apo waang ko iduik? Ka manga datang ka dunia-ko?
Kok indak tau jawabannyo, Tuhan manolong manjawabkan.
“Wama akhlaktul jinni wal insa illa liyak buduni”.
Tidaklah aku jadikan jin dan manusia kato Allah,
kecuali untuak mengabdi kepada-Ku saja.
Untuak itu Rasulullah pun batitah, iduiklah sasuko hati,
tapi ingek salamo iduik musti ka mati,
karajokan apo nan taragak, tapi ingek satiok karajo akan ditanyo,
cintoilah apo nan dihati, tapi ingek satiok pertemuan ado perpisahan,
itu nan partamo.
Nan kaduo, bapandirian taguah, berprinsip nan jaleh istiqamah yakin ke diri.
Arek-arek kalau bapacik, taguah-taguah bakeh ka tagak.
Usah baganggam-ganggam baro, raso kahangek dilapehkan.
Kalaulah tagak di nan bana, ijan ragu manantang bandiang.
Nyampang nan hak dirabuik, rampeh, martabat dilanyau urang,
pantangkan mundur satapak Yuang, haram bumi bakeh Ang lari.
Syahid membela kebenaran daih mangalah dengan salah.
Nan katigo, jujur jo amanah. Di dalam hati manusia ado zat nan paliang adil,
itulah inyo kalbu kato rang siak,
nurani kecek rang pandai, raso pareso keceknyo adat.
Musuahnyo, iyolah napasu, sadangkan akal kumari masuak.
Mako satiok kakok ka diawai, tanyolah dulu nan di dalam lai kok izin hati nurani.
Biasonyo pikia sakali, mananglah nafsu,
akal mandorong jo usaho, badan mambantu jo karajo.
Tapi baoklah maranuang dalam-dalam, duo tigo ulang bapikia.
Kalbu nan suci akan manang, picayolah.
Kompasnyo indak jauah-jauah, yaitu hukum cacak jangek.
Piciaklah diri awak dulu, sakik dek awak, sakik dek urang.
Nah, nan kaampek, dinamis, ligat kato rang medan, lasak kato rang Minang.
Usah layua pandingin darah, talampau banyak agak-agak, suko mananti garah alah.
Kalau cameh jo gamang lah dahulu, ragu jo bimbang,
takuik kanai alamaik karajo tak manjadi.
Tapi kok lah habih tenggang jo kalaka nan di juluak ndak jo dareh,
nan dijapuik ndak kunjuang tibo, baru tawaqal pado Allah, takdir tu mah namonyo.

Hadapilah dunia dnegan senyum, baitu kato ahli fikir.
Nan tarakhir, nan kalimo. Yaitu, basifat saba jo rillah.
Nan Ayah mukasuik dengan saba, bukan mambatu muko tembok,
kanai lampang pipi nan suok, diagiahkan pulo pipi kida, bukan baitu.
Tapi, indak cameh wakatu susah, indak takabua di nan lai.
Hindakan tamak jo lobo padokan apo nan ado,
syukuri barian Allah.
Nan manjadi sifat dari napasu, adolah salalu maraso kurang,
ha . . . . Tansano Marapi jadi perak, Singgalang jadi suaso,
nyo mintak andikek jadi ameh, Gunuang Sago manjadi intan.
Baitu kandak dek napasu. Untuak itu, ado rem nan paliang pakam, yaitu sifat kana’ah.
Aratinyo, sifat kana’ah memanfaatkan dan merasa cukup dengan apa yang diperoleh.
Kok urang baparabola, dek awak tipi hitam putiah, usah manonton ka subalah.
Tapi, nikmatilah nan awak punyo karano itu baru nan ado.
Dek ranggaek nan tidak mampu, maraso banggalah tamat SMA gunokan ilmu nan didapek,
itulah inyo sifaik kana’ah. Ba’a pulo hubungan diri jo manusia,
dek kito makhluk sosial nan hiduik sanda-basanda,
mangko paeloklah hubungan jo masyarakaik.
Ba’alah kacadiak awak, baralah kabanyak pitih, kito paralu jo manusia.
Saindak-indaknyo paja sirah baru ka laia.
Kalau wa’ang mangecek surang, galak-galak indak bakawan,
Ayah antakan ka padang gaduik, tandonyo utak nan lah kanai.
Katahui-lah nak, sahino-hino hiduik, kalau awak disisiah urang ilia lalu,
mudiak tak singgah, ka tangah tarapuang-apuang, ka tapi tapenda-penda.
Banyak pintu caro bagaua, kuncinyo hanyo sabuah.
Yaitu, hormati orang lain, sakali urang dimuliakan, balipek gando kabalehnyo.
Ciek jari manunjuak, tigo nan untuak awak.
Ado limo nan musti dipakai.
Manolah caro nan limo, Partamo, panyapo,; Kaduo, pamuji; Katigo,
panolong; Kaampek, pamaaf; Nan Kalimo, panyuko.
Tagua sapo dimaa basuo, ibaraik asahan silaturrahim, batin tajam, budi bakilek.
karamah baso katuju, muluik manih kucindan murah, sopan jo santun dilabiahkan.
Nan elok, nan rancak bana awak dulu mulai manyapo nan bansaik,
sapo dahulu piliah-piliah manyapo gadih, tanyo-batanyo ka sia tantang hobi,
tantang usaho, tantang dnsanak familinyo.
Kok anak tingga di kampuang, sapo satiok urang lalu, usah disibak jo di sisiah.
Pangkek rang gaek dipa-apak, patuik ba amak imbau amak,
ba-inyiak atau ba-angku, ka nan ketek baitu pulo.
Nyampang awak di rantau urang, asal kenal wajib disapo.
Paliang indak, angguak ketek, bahalo, baangkek tangan, itu kapalo baso-basi.
Adopun sifaik dek manusia nak, ingin dipuji, dikagumi,
diumbuak, disanjuang-sanjuang, bataruih-tarang nyo nan sagan.
Siapopun ingin panjang umua, tapi takuik manjadi tuo.
Mako sananglah bana dihatinyo, dikatokan baliau awet mudo,
umua gaek, kaniang bakilek, taimpik galombang anak bujang,
ha . . . . Pujilah nan disayanginyo, anaknyo nan kamek,
lincah, galeknyo nan tagak tali, tapi ijan dipuji inyo rancak,
balapia tinju dihiduang ang.
Agak-agak maanjuang urang nak, usah malimbak, malabiahkan, overdosis ibaraik ubek.
Bisa malonjak anak bayi, babaliak aruah panabangan,
nak tuah dapek cilako.
Sasudah itu suko manolong, malang mujua, sakik jo sanang,
indak kalapeh dari tangga, kini urang bisuak kok awak.
Bakato Buya Hamka :
“Jangan tetawakan orang jatuh, tapi bersyukurlah kalau anda tidak jatuh,
dan sebaik-baik pekerjaan adalah menolong orang dalam jatuh”.
Kok sanang jalang-manjalang, kok sakik silau-manyilau, kok mati janguak-manjanguak.
Banyak caro manolong urang, tolong jo pitih jo harato, tolong jo jariah jo tanago,
saindak-indaknyo tolong tolong jo aka pikiran, jo do’a jadi juo.
Sauleh rimah dalam litak labiah lah gadang manfaatnyo dari sakancah nasi,
katiko kanyang.
Nan katuju dek Rasulullah, pamaaf indak pandandam.
Sampilik mambari maaf, pamaha jo karilahan, itulah urang rendah budi.
Mambayang ka paroman-nyo, muko karuah,
kaniang bakaruik, hati kasek, bantuaknyo sanga, lah pupuih Nur-Hidayah.
Sadangkan Adam lai nyo khilaf, talampau pantang makan khuldi,
Tuhan mambari kaampunan, kok kunun-lah kito makhluk.
Manuruik dalih biasonyo, nak apobilo urang pabaso tando ceke,
apobilo pacimburuan tandonyo jahek, urang pasumpah tando ciluah,
pandandam tando takabua, setan basarang di hatinyo.
Awak barasiah tak badoso, urang lah salah kasadonyo,
namuah batahun ndak manyapo, jo dunsanak bakarek rotan.
Baparingek Nabi jo hadis-nyo, duo nan ka diingek, duo pulo nan ka dilupokan.
Nan kadiingek, salah awak ka urang lain, jaso urang ka diri awak.
Dan nan ka dilupokan, jaso awak ka urang lain, salah urang ka diri awak.
Nyampang sunsang tabaliak pasang nak, cabiak-cabiak silaturrahim,
caia ukhwah islamiah, sinan ka turun murka Allah.
Kini nan kalimo, nan kalimo yaitu panyuko, barasiah hati,
kok urang mandapek rahmat sato basyukur, bagumbira,
nyampang kok bala manimponyo, prihatinlah di nasib kawan.
Usah sabaliaknyo nak, manampak kawan barasaki,
awaklah masam kurang bunyi, hatipun paneh manggalagak,
mancaliak kadai urang kayun, dek awak susuik jua-bali.
“Ayam batino nan batalua, ikuanyo padiah dahulu”.
Jauahkan sifaik nan baitu nak.
Baitupun usah pamatahkan kecek urang, suko maudi, marandahkan,
manunggu utang, di nan rami mamasang pitih barakuak.
indak saide sapandapek, balain tapi katagokkan, itu biaso dalam rapek.
Tapi agak-agak kalau badebat, iyokan dek urang nan tasampai,
lalukan dek awak jo daliahnyo, indak bakasam sambuang parak.
Manyubarang di aia dareh adolah bana rasionyo.
Ambiak ancang agak kahulu, turuikkan hiliran aia,
manyerong ansua ka mudik, malereng geser haluan, biduak ka sampai di subarang.
Usah disongsong aruih sungai, karam di riam, diputanyo hanyuik kok indak bamuaro.
Manyanangkan hati urang itulah resep pergaulan indak karasan salamonyo,
picayolah.

Adapun hubungan timba baliak antaro makhluk dengan Khalik ibaraik ikan dengan aia.
Kok nyampang ikan tapisah, carai talantiang dari aia,
alamaik hiduik ka sansaro, tak kama manggapai lai.
Tapi sabaliaknyo nak, aia indak manganduang ikan,
haram kok inyo ka tagamang, samiang alun ka ta came.
Baitulah pulo dengan Tuhan, walau manusia kapia sadonyo,
langik engka, bumi durako, indak ka sumbiang martabat-Nyo, zat Allah tatap mulia.
Dek sabab karano itu nak, ijan manjauah dari Allah.
Hubuangkan diri jo nan satu.
Salamo jantuang badanyuik, salagi angok turun-naiak, Tuhan nan ambek dilengahkan.
Kalau diri sudah manyatu, dakek nan tidak baantaro,
jauah nan tidak bajara’an, sinan hidayah turunnyo.
Sahamba-hamba tabu nak, limo kali dalam sahari tamui Tuhan jo talipon,
mangecek langsuang samo surang.
Mintaklah apo ka di mintak, kadukan nasib parasaian,
tangih jo ratok ka bapujuak, tagamang lai ka bajawek Rahman jo Rahim salamonyo.
Adopun kok Ang nak tau satantang nomor talipon-Nyo, hanyo sabanyak tigo angko.
Yaitu, 24434. duo rakaat shalat subuah, ampek rakaat waktu luhua,
ampek pulo dimasuak asar, tigo rakataan di mugarib, ditambah ampek shalat isya.
Aratinyo, sumbayang nak, sumbayang, sumbayang, sumbayang, usah ditinggakan.
Manuruik sifaik jo janji-janji-Nyo Allah itu Maha Pengampun,
murah maaf, maha jo dandam.
Tapi ado duo nan tak bahampunan, partamo murtad, kaduo syirik.
Nan dimukasuik dengan murtad nyato-nyato mamutuih tali,
maurak buhua gagang iman, kato jo ruek mambulakang, katie sirah urang namokan.
Sawajah tantang pado syirik, dalam nan inyo baindakkan, hati nan ragu, ragu bimbang.
Dilaia lai maangguak, di dalam batin manggeleng.
Tauhid saparo sudah, mancari Tuhan salain Allah.
Kok itu sfat nan bapakai, berang Allah sampai ka gunjai tunggu jahannam, hari isuak.
Jangankan pado Tuhan Allah, manusiapun lai pandai berang.
Kok ati bini alah manulak, tubuahnyo lah mambulakang,
tandonyo indak nio awak, caraikan istri sanan juo.
Atau di dalam inyo basuami, mancari pulo laki lain, wajib ditalak salamonyo.
Mamakai istri nan baitu gayuik hukumnyo dalam Syarak,
tacacek bana di nagari, layua talingo kecek urang.
Mako kini Ayah ingekkan, hati-hati manjago iman.
Taguah-taguah paciak tauhid, usah sumbiang, usahlah cakak.
Kok bulek indak bapasagi, picaknyo indak basuduik, runciangpun indak bajipang.
Walau ba’alah badai mahampeh, lauik gilo tapan mangamuak, kamudi usah dilapehkan.
Hanyo Allah tampek balinduang nak, bukan dukun, bukanlah datu,
bukanlah pulo tukang tanuang atau mamintak bakeh kuburan,
kok kunun ka setan jo ubillih.
“Iyya kanak budu wa iyya kanasta’in,
kapado allah kito manyambah kapado-Nyo pulo mintak tolong”.

Nah… itulah nak, itulah pitaruah Ayah.
Kok nasehat ko lah namonyo, kok pituah ka Ang katokan.
Nan nyato utang ka anak lah taansua.
Lain hari Ayahlansaikan.

A . . . baa Ang kini, karano hari lah laruik malam,
badan latiah, mato takantuak, kito baganjua lalok dulu.
Insya Allah bisuak kok lai iduik juo, disambuang guliang, ditamatkan surah.
Sagitulah da’ulu, sakian sajo.

Tak ado mukasuik manjiplak, tapi hanyo supayo kami nan mudo ko bisa dan buliah baraja…tarimo kasih banyak..

Riawayat Pendidikan

Refrizon Yunus dari SD klas I sampai dengan kelas VI dan sampai klelas III SMP II Batusangkar Juara terus kalau ngak juara II kelas Juarau I atau Juara Umum seluruh sekolah. Tamat SMP II Batusangkar, diantar Bapak Sekolah ke Bukittinggi SMA I masuk cuma seminggu, dimasukannya ke SAA lulus tanpa bayar SPP dan Uang masuk, tapi Bapak masukan lagi ke Sekolah Perawat disebelah SAA itu di Bukittinggi Nomor Pendaftaran Nomor satu pula itu. Saya bener-bener ngekor aja kemana beliau bawa ngak ada sedikitpun mau mengindakan apa yang diinginkannnya. Tapi dia...................kalau mau nyekolah anak dia selalu konsultasi kepada ORANG PINTAR di Padang namanya RUSDI RUSYD sekarang Drs.MA anaknya ada yang Professor satu, kebetulan pula beliau ini menjadi Kakak Ipar saya pulak, dimana adiknya yang paling kecil Rusymaladewi Rusyid, MPd adalah Isteri aku. dia ngajar di SMP 4 Pekanbaru dia Guru Bailogi, anak kami 4 nomor satu Besta Rahma Frizdew,S.Pd ngajar di SMK SBI Jalan Pattimura Pekanbaru anaknya Ghazy Al Ghifari Sabeda lahir dari Perkawinannya dengan Dadang Heru Dini , SSi Guru SMA Minas, kedua Besti Rahma Frizdew, SH dia kawin ama si APRIS MULAYDI, SE Akt urang Limbanang lah baranak pula satu namanya ZhaZha panggilannya Zhahira AswaQ Frizdew tapi mereka tu di Martapura ten si Apris kojo situ di PT. Mardex Manajer Pabrik PKS ah Besti ko dolu jadi Penyiar TVRI tapi dek manuruikan lakinyo posolah ikuik ka Martapura aaaa nan katigo Rovanty Frizdew, SP kini hampir menyelesaikan pendidikan di IPB Bogor mengambil pendidikan keahlian di Bidang Tanah, aaa bisuak kalu tamaik tuh inyo bagalar MASTER LIMMBAT eh bukan Rovanty Frizdew, SP Master Segala Ilmu ( MSi ) samoloh jo Opak  e. AAAA tuh nan paling kecil namonyo MICHIKO JAMILAH FRIZDEW kini baru kelas II SMP 4 Pekanbaru sakolah rang kayo2. Aaaaaa awak lai kayo juo tapi kayo bulu hiduang. Saya bercuta-cita dia ini menjadi Anak Santri di JOHOR BARU, Hafizah, Alimah dan Juga tentunya masuk SMA terus masuk Fakkedok di jalan Hang Tuah sebaik citonyo STK di Hang Tuah alah STK Kartika, SD 008 Hang Tuah, SMP 4 Hang Tuah, SMA 1 Hang Tuah, Fakkedok hang Tuah, RSU Hang Tuah sodoe hang Tuah. Aaa babaliak awak liek ka Riawayat Pendidikan ambo nan diantakan Bapak ka Sakolah Perawat cako. Yo alah diantakannyo ka SPR Bukitinggi itu sakolah disitu sampai tamaik dan karajo di Rumah Sakik Sangka kawan jo SIBEN , Akmal, delele. Aaaaaa dek parangai juo dimano kami jo Si Ben baraja mambaok oto Ambulance sopirnyo si Ujang. Kami minta kunci ka Inyo di ogiean nyo, oto kami bao ka arah rumah Si Ben di Mingkabau, ambo bao surang jo ne ndak ado pakai sopir pelatih setek jo, tapi oto jalan juo dan kami baliek ka Rumah Sakik di Ponco. EEeee dek malang ka tibo matilah oto tadi di Sijangat ( Sijangek ). Dan abilah baterai oto. Bajopuik ka rumah si Ben baterai untuak TVnyo, aa tuh babaok liek ka Rumah Sakik tapi lah siang tibo. Aaaaaaa katahuanlah dek Dokter Nazar KaRS kami diskorlah sampai wakotu yang tidak ditentukan. Si SiBEN kebetulan Udanyo dokter pulo di Maninjau jadi bisa rosok-rosok aie jo Pak Nazar aa bulieh kojo liek, ambo ambo kecekanlah ka Ayah angkek ambo POKIEH SALIEH namonyo seorang Pejuang terkenal Ayah SODIK nan jadi BUPATI Sangka kiniko.Aaaaaa Dokter Nazar nyuruah karajo liek. Tapi dek ambo lah talanjur pulo manarimo surek dari Si Jal kawan satu alumni SPR yang kojo di Caltex Rumbai Pekanbaru jadi ambo barangkelah ka Pakanbaru malamar di Caltex walau ngak lulus. Dan karajolah di RSU pagi, Sikesjasdak IV Riau sore atau sebaliknyo. Hari Rayo dinas juo satu kali tarjadilah Kacalakaan Rami oto ALS masuak ka RSU ambo surangnyo walaupun ado siswa SPK tapi ambo yobana bacilapuik dibueknyo mangarajokan ado nan patah nan luko nan indak ado kapalo lai sagalo macamlah, aaaaaa datang pulo talepon dari RS Polisi ( Sikesjasdak ) tadi dari Bidan Jojor Sirait adi urang bacakak tembak-tembakan Polisi jo Tantara mako balari pulolah ka sinan si Jojor ndak tantu dek ny P3K do inyo Bidan nan jaleh dek nyo baa caronyo manjaik tempe induak induak nan cabiek dek malihiakan, ondeh ambo tengok 2 onggok urang kanai paluru, tenju sipak, pasai ambo maambiak paluru tu dari dalam dadonyo, paruiknyo ambo badah abie se untuk maambiek paluru tuh. jadi sikua tingga sikua jadi ambo disuruah di Kolonel Buzar untuak mamilieh salah satu RSU atau RS Polisi, mako ambo putusakan RSU. ndak lamo satalah itu ambo dilamarkan pulo dek Doktor Ambo Doktor Bedah namonyo POERBOYO ka PTP5 mako bakarajolah ambo di PTP5 Ujungbatu Pasir Pangarayan. lah karajo alhamdulillah bisa sakolahkan adiek2 sadonyo. Gaji godang disitu. Ambopun kuliahlah ka UNRI tapi UTnyo 2 kakli sabulan Tutorial di UNRI ambo maabiak Fakultas Ekonomie wakatu itu alun pakaijurusan lai do. Sampai salasai bagalah ambo DRS ( Dirumah Sakit Saja ). Aaaaaaaa baransuh pulo hari ambo diansuah pulo dek Bos Ambo pindah ka Pakanbaru sebab di Pekanbaru akan dibangun Rumah Sakit. tahun 2000 balieklah ambo karajo di Pakanbaru baliek. Atuh ambo kuliah pulo baliek di Universitas Diponegoro Persada Bunda Fakultas Ekonomi juo karano ingin mangatahui bana wee baa nan sakolah Ekonomi ko karano wakatu di UT aaa nan ka jaleh baraja surang buek soal surang ponten surang aaaa nan ka tantu doh. Sambie ambo kuliah pulodi HUKUM di Universitas Lancang Kuning. Alah tamaik ambo sakolah di UNRI lai bagian KABIJAKAN PUBLIK namonyo kini ambo Sakolah  Iman lai di Musajik Alfalah. 3 hari sabulan latihan Iman, 40 hari satahun Latihan Iman dan 4 bulan saumur Hidup. Carito sakolah Iman ko yo baduduakan ndak bisa angku tanyo malalui internet ko do. Sabab iman itu adalah RASA. Khusus pangajian awak di Blog lain.
Insyallah sasudah Ramadhan ko Ambo akan mamabiak Master Pyracosmic di Malaysia parsaratan alah siap tingga barangkek sajo kapa tu lai. Pyra cosmic adalah satu kesatuan kosentrasi bathin dengan kosentrasi Otak. Bisuak kalau lulus, contohnyo ko e ambo caliek boto dari jauh , ambo konsentrasikan ambo ambuih pacah boto tu, baitu juo kapalo angku tuh pabilo ambo caliek ambo padukan kosentrasi ambo ambo ambuik pacah kapalo waang tuh badari jadi tapuang indak bakapalo paja waang tu lai. Tapi sabananyo adalah ilmu pangobatan secara Nubuwah Islamiah. Baraja AGAMO sabananyo. Baa bana konteks Pengobatan dalam Islam. Insyallah.

Riwayat Hidup

Dari Perkawinan Nur'aini Wahid dan Yunus lahir Refrizon Yunus, Dria Hafni, S.Pd, AKBP Yon Helmi,SIP dan Yenny Hidayati Yunus, S.Kp MSi. Refrizon Yunus merantau ke Pekanbaru dan Ujungbatu, sedangkan Dria Hafni, SPd mengajar di SD sebagai Kepala Sekolah dan Yon Helmi Yunus sebagai Kepala Sekolah Polisi Negara Polda Jambi serta Yenny Hidayati bekerja di Depkes TK I Propinsi Riau.

bibliografi

Refrizon Yunus Lahir di Pasirlawas Batusangkar Sumatera Barat pada tanggal 21 Juli 1958 Jam 05.00 WIB hasil pasangan Nuraini Wahid dengan Yunus Ahmad seorang petani.